ავტორი: aianews.ge
14.01.2018, 18:28

საქართველოში სახელმწიფო დროშის დღე აღინიშნა

საქართველოს პრეზიდენტის გიორგი მარგველაშვილის ინიციატივით, საქართველოს სახელმწიფო დროშის დღესთან დაკავშირებით, დღეს საქართველოს რამდენიმე რეგიონში დროშის აღმართვის ცერემონია გაიმართა.რომელშიც მონაწილეობა თავად საქართველოს პრეზიდენტმა მიიღო.

სახელმწიფო დროშის დღის აღნიშვნა 10:00 საათზე პრეზიდენტის სასახლიდან დაიწყო.
სახელმწიფო დროშის ეტალონი, რომელიც რამდენიმე წლის წინ, გიორგი მარგველაშვილის ინიციატივით დამზადდა, სასახლიდან საპატიო ყარაულმა გამოაბრძანა და საქართველოს პრეზიდენტმა, საქართველოს ეროვნული გმირების - გიორგი ანწუხელიძისა და ზაზა დამენიას შვილებთან ერთად აღმართა.

პრეზიდენტის სასახლეში სახელმწიფო დროშის აღმართვის ცერემონიაზე სახელმწიფო ჰიმნი ანსამბლმა "შავნაბადა" შეასრულა. საქართველოს პრეზიდენტმა ცერემონიის მონაწილეებს სახელმწიფო დროშები და დროშის გამოყენებისა და აღმართვის წესები გადასცა.

საქართველოს პრეზიდენტის ადმინისტრაციის უფროსმა გიორგი აბაშიშვილმა მიმართა საქართველოს პრემიერმინისტრს, პარლამენტის თავმჯდომარეს, სხვა სახელმწიფო უწყებების წარმომადგენლებს და მოუწოდა მოსახლეობას, რომ დღეს, დროშის დღესთან დაკავშირებით, სიმბოლურად სახელმწიფო დაწესებულებებზე აღმართონ და სახლებიდან გადმოფინონ სახელმწიფო დროშები.

,,დღეს საქართველოს პრეზიდენტმა აღმართა სახელმწიფო დროშის ეტალონი, რომელიც ასევე საქართველოს პრეზიდენტის ინიციატივით დამზადდა სამი წლის წინ. ეს სამი წელია ჩვენი ეროვნული დროშის დღე, პრეზიდენტის ინიციატივით, განსაკუთრებულად აღინიშნება. დროშა თითოეული ჩვენგანის სიამაყეა, განსაკუთრებულობის მაჩვენებელი. მნიშვნელოვანია, რომ დღეს საქართველოს პრეზიდენტი საქართველოს სხვადასხვა რეგიონში, სხვადასხვა პროფესიის წარმომადგენლებთან ერთად სპორტსმენებთან, მასწავლებლებთან, ექიმებთან, სამხედროებთან, საგანაგებო სიტუაციის თანამშრომლებთან ერთად დაესწრება სახელმწიფო დროშის აღმართვის ცერემონიას და მე მინდა, რომ საქართველოს თითოეულ მოქალაქეს მოვუწოდო, რომ შეუერთდნენ საქართველოს პრეზიდენტის ამ ინიციატივას და დღეს სიმბოლურად გადმოკიდონ ან აღმართონ დროშები საკუთარ სახლებზე.
ასევე, მე მინდა ვთხოვო და მივმართო საქართველოს პრემიერმინისტრს, საქართველოს პარლამენტის თავმჯდომარეს, სახელმწიფო უწყების ხელმძღვანელებს, რომ შეუერთდნენ საქართველოს პრეზიდენტის ინიციატივას და სახელმწიფო უწყებებზე, ყველა შესაძლო ადგილზე სახელმწიფო სტრუქტურებში სიმბოლურად აღმართონ დღეს საქართველოს სახელმწიფო დროშა", - აღნიშნა გიორგი აბაშიშვილმა.

დროშის აღმართვის ცერემონია გაიმართა კახეთშიც, უჯარმის ციხეზე, სადაც საქართველოს სახელმწიფო დროშა მაშველებმა აღმართეს, საქართველოს სახელმწიფო ჰიმნი კი, ვანო მჭედლიშვილის სახელობის მომღერალთა გუნდმა შეასრულა.

ცერემონიას საქართველოს პრეზიდენტი, ადმინისტრაციის უფროსი გიორგი აბაშიშვილი, ეროვნული უშიშროების საბჭოს მდივანი დავით რაქვიაშვილი, საპარლამენტო მდივანი ანა ნაცვლიშვილი და საერთაშორისო მდივანი თენგიზ ფხალაძე ესწრებოდნენ.

ეროვნული უშიშროების საბჭოს მდივანმა დავით რაქვიაშვილმა საქართველოს მოსახლეობას სახელმწიფო დროშის სახლებიდან გადმოფენისა და დროშის დღის აღნიშვნისაკენ მოუწოდა.
,,ძალიან საამაყოა, რომ დღეს სახელმწიფო დროშის დღეს, სწორედ უჯარმის ციხეზე აღიმართა საქართველოს დროშა. უჯარმა, საქართველოს სახელმწიფოებრიობის დასაყრდენი იყო ყოველთვის.
დროშა ჩვენს საამაყო მაშველებთან ერთად აღვმართეთ და მოვუწოდებ ყველას, შემოგვიერთდნენ და გადმოფინონ დროშები სახლებიდან. სახელმწიფო დროშა არის ის სიმბოლო, რომელიც ჩვენ ყველას გვაერთიანებს",- აღნიშნა უშიშროების საბჭოს მდივანმა დავით რაქვიაშვილმა.

პრეზიდენტის მონაწილეობით გაიმართა სახელმწიფო დროშის აღმართვის ცერემონია მცხეთაშიც, სადაც ძალოსანმა ლაშა ტალახაძემ სპორტსმენებთან ერთად დროშა ბებრის ციხეზე აღმართა. საქართველოს სახელმწიფო ჰიმნს კი, ანსამბლმა ,,მცხეთა"-მ შეასრულა.

გორში, ეროვნული თავდაცვის აკადემიაში, იუნკერებმა სახელმწიფო დროშა საქართველოს შეიარაღებული ძალების სამხედრო ორკესტრის მიერ შესრულებული ჰიმნის თანხლებით 12:30 საათზე აღმართეს. ცერემონიის მონაწილეებსა და იუნკერებს საქართველოს პრეზიდენტმა სიტყვით მიმართა და სახელმწიფო დროში დღე მიულოცა.

ქუთაისში, დროშა ექიმებმა აღმართეს, დასავლეთ საქართველოს სამედიცინო ცენტრის ეზოში, ანსამბლ ,,ქუთაისის" მიერ შესრულებული ჰიმნის თანხლებით.ცერემონიაში მონაწილეობდნენ საქართველოს პრეზიდენტი, ადმინისტრაციის უფროსი გიორგი აბაშიშვილი, ეროვნული უშიშროების საბჭოს მდივანი დავით რაქვიაშვილი, საპარლამენტო მდივანი ანა ნაცვლიშვილი და საერთაშორისო მდივანი თენგიზ ფხალაძე.
ქუთაისში პრეზიდენტმა ცერემონიის მონაწილეებს, მედპერსონალსა და პარტია ,,თავისუფალი საქართველოს" წარმომადგენელს გოგი წულაიას სახელმწიფო დროშები და ,,დროშის აღმართვის წესის შესახებ" სპეციალურად ამ დღისთვის დაბეჭდილი ფლაერები პირადად გადასცა.


სენაკში კი, დროშას პედაგოგები აღმართავენ, აფხაზეთის მეშვიდე საჯარო სკოლის ეზოში, რომელიც 2008 წელს აგვისტოს ომში დაღუპული კაპრალის, სოხუმელი თემურ ბოკუჩავას სახელს ატარებს. სახელმწიფო ჰიმნს კი, ანსამბლი ,,სენაკი" შეასრულებს.


   ნანახია:  727



მსგავსი ამბები:


  დროშა არ არის ერთადერთი, რის მითვისებაშიც სდებენ ბრალს მიხეილ სააკაშვილს   ...
... სრულად ნახვა
  საბერძნეთში გაუშვებენ საქართველოს დროშის ფერებით მოხატულ საჰაერო ბურთებს. კანადაში მერიის წინ აღიმართება საქართველოს დროშა. ყაზახეთში დედაქალაქის მასშტაბით განთავსებულ ბანერებზე გამოსახული იქნება საქართველოს სახელმწიფო სიმბოლოები. დუბლინის   ...
... სრულად ნახვა
  საქართველოს პრეზიდენტის, გიორგი მარგველაშვილის პრესსპიკერად „საზოგადოებრივი მაუწყებლის“ ყოფილი ჟურნალისტი ეკა მიშველაძე დაინიშნა. ეკა მიშველაძე დღეს პრეზიდენტის ადმინისტრაციის უფროსმა, გიორგი აბაშიშვილმა წარადგინა. როგორც ეკა მიშველაძემ   ...
... სრულად ნახვა
  მამჩური ბრიგადის ნაწილს „ბელბეკის“ აეროპორტის ასაფრენი ზოლისკენ გაუძღვა. ბრიგადის სამხედრო მოსამსახურეებს ბრიგადისა და უკრაინის სახელმწიფო დროშები მიჰქონდათ. ასაფრენ ზოლს, უკვე რამდენიმე დღეა, რუსი ოკუპანტები აკონტროლებენ. მათთან მიახლოებისთანავე   ...
... სრულად ნახვა
  26 მაისთან დაკავშირებით, მშვიდობის ხიდი და თბილისის ანძა საქართველოს დროშის ფერებში განათდა.   ...
... სრულად ნახვა

ვიდეო რეკლამა

ვიდეო რეკლამა 2

ვიდეო


  • მსოფლიოში ყველაზე ძლიერი გელათელი ბავშვები
    22.10.2013, 20.02
  • გზებსა და გზაჯვარედინებზე...
    08.10.2013, 14.53
  • სასაცილო ვიდეობის ნაკრები
    07.10.2013, 21.55
  • ფოტო


  • თეა წულუკიანის მერი
    20.03.2017, 23.04
  • მაია ასათიანის ულამაზესი ნუცა გარდაიცვალა
    23.02.2017, 22.54
  • ფელიქს ტოტიევი ექვსი შვილიშვილის საფლავებთან
    02.09.2016, 01.04